Абвешчаны рэспубліканскі дзіцячы конкурс лістовак “На варце будучага пакалення”

Творчае спаборніцтва працягнецца да 16 снежня гэтага года. Асноўная яго  мэта – папярэ-джанне супрацьпраўных паводзін, прафілактыка шкодных звычак і фарміраванне здаровага ладу жыцця сярод дзяцей, падлеткаў і моладзі. Арганізатарамі  конкурсу з’яўляюцца міністэрствы ўнутраных спраў, адукацыі, аховы здароўя, інфармацыі, спорту і турызму, культуры і Нацыянальны цэнтр прававой інфармацыі Рэспублікі Беларусь.
Да ўдзелу запрашаюцца маладыя людзі ва ўзросце ад 12 да 18 гадоў, а таксама аўтарскія калектывы непаўналетніх (не больш чым тры чалавекі). Да 30 лістапада трэба запоўніць электронную форму на дзіцячым прававым сайце (http://mir.pravo.by) у раздзеле “Конкурсы і віктарыны”. Вашы лістоўкі павінны мець фармат файла  jpg, памер малюнка – не менш чым 102х768 пікселей.
Узнагароджанне пераможцаў конкурсу адбудзецца ў Мінску. Лепшыя творчыя работы размесцяць на білбордах, а таксама ва ўстановах аховы здароўя, культуры, адукацыі, фізічнай культуры і спорту, у месцах масавага знаходжання грамадзян.
Сабіна ГАРАЕВА,
студэнтка
БрДУ імя А.С. Пушкіна.