Беларусь

Алесю Корневу – 75!


Вядомаму баранавіцкаму паэту Алесю Корневу споўнілася 75 гадоў!
Багаты жыццёвы вопыт, своеасаблівы талент, прага творчае працы, дасканалае веданне гутарковай беларускай мовы, выкарыстанне яе ў вершах, закаханасць у родны кут – адметныя рысы ягонай літаратурнай спадчыны. Ён аўтар больш чым дзясятка кніг, у якіх пяшчотна і дасціпна пяе пра жанчыну, каханне, дарогі і вандроўкі… Адна з адметных рыс творчасці Алеся Касьянавіча, што звязвае яго з чытачом, – крэўная, непарыўная сувязь з жыццём народа.
Газета прапануе сёння ягоны верш “Парады селяніна”, пранізаны лагодным сялянска-хлебным гумарком.
Аляксей ФІЛАТАЎ, пісьменнік.
Парады селяніна
Мяне не з’есць галеча,
І голад не аслабіць,
На ўласнай цёплай печы
Не прастуджуся, мабыць.
Нагамі – у цыбулю,
Рукамі – за бабулю…
Выццё ліхіх мяцеліц
Няхай мяне не цвеліць…
Не вывелася скварка –
Ёсць бульба ды капуста,
Мо, не схуднею ў карку,
Хоць і не буду тлустым.
І ты, як ёсць пагроза
Схуднець ушчэнт, у дошку,
Хутчэй, пакуль не позна,
Шыбуй да дзеда ў вёску!

Добавить комментарий

Авторизация
*
*
Генерация пароля