У суботу ў Баранавічах завяршылася адкрытае асабіста-каманднае першынство БФСТ “Дынама” па шматдзённай велагонцы, прысвечанае памяці чэмпіёна СССР Юрыя Дайбава

Тыдзень – на веласіпедзе

Масавае вела-шоу ўжо стала традыцыйным. Увесь тыдзень спартсмены (у гонцы ўдзельнічаюць хлопцы 1995-1996 гадоў нараджэння) калясілі па Брэстчыне: праз Пружаны, Ружаны, Бярозу да Баранавіч. Свой іспыт удзельнікам наладзіла і надвор’е. “Але яго капрызы ніяк не перашкодзяць перамозе,” – упэўнены Аляксандр Рабушэнка, лепшы велагоншчык гонкі-пралогу, якая фінішавала ля сцен Брэсцкай крэпасці ў панядзелак.
У гонцы прымаюць удзел больш за 60 спартсменаў, сярод іх 18 кандыдатаў у майстры спорту, 22 маюць першы разрад. Дыстанцыя ў 300 кіламетраў, падзеленая на некалькі этапаў, выявіць лепшых спартсменаў, якія адправяцца на міжнародныя спаборніцтвы.
Крысціна ЗЯЛЁНКА,
студэнтка Інстытута журналістыкі БДУ.