Беларусь

  • Главная
  • Землякі
  • Члены клуба віртуальных лётчыкаў “Крэчат” з Бярозы – бронзавыя асы Міжнароднага турніру пілотаў

Члены клуба віртуальных лётчыкаў “Крэчат” з Бярозы – бронзавыя асы Міжнароднага турніру пілотаў


У рамках адборачных гульняў “World Cyber Games 2011” прайшоў  IV Міжнародны турнір віртуальных пілотаў на сімулятары самалётаў часоў Вялікай Айчыннай вайны “Іл-2. Штурмавік”. Турнір быў арганізаваны Міністэрствам абароны Рэспублікі Беларусь сумесна з прадстаўніцтвам кампаніі Samsung Eleсtronics у Беларусі. У віртуальнай прасторы сустрэліся  8 каманд з Мінска, Гомеля, Брэста, Бабруйска, Бярозы, Вільнюса і Масквы.
Ад Бярозы на турніры выступалі члены клуба віртуальных лётчыкаў “Крэчат” Цэнтра дадатковага навучання дзяцей і моладзі. Рыхтаваліся да турніру сур’ёзна: вывучалі асаблівасці  пілатавання і баявога прымянення самалётаў, якія арганізатары прапанавалі для віртуальных баёў, правялі трэніровачныя баі. Ведаючы ўзровень падрыхтоўкі сапернікаў, вопыт іх удзелу  ў такіх турнірах, хлопцам з “Крэчата” была пастаўлена задача ўвайсці ў чацвёрку наймацнейшых. Што каманда паспяхова і  выканала, заняўшы трэцяе месца. Нашы віртуальныя пілоты былі ўзнагароджаны дыпломамі Міністэрства абароны Рэспублікі Беларусь і каштоўнымі падарункамі ад кампаніі Samsung Electronics.
Дарэчы, за два гады работы клуба віртуальных лётчыкаў “Крэчат” паветраныя баі набылі папулярнасць сярод падлеткаў. Атрымалася нават правесці тры раённыя турніры, у кожным з якіх удзельнічала па 5 – 6 каманд школ Бярозаўскага раёна і вайсковай часці №55782. У клубе займаецца больш за 20 хлопчыкаў і дзяўчынак 9 – 11 класаў школ горада Бярозы і вёсак Першамайская, Шыліна і Кабакі. Кіраўнік клуба Віктар Яўхуціч упэўнены: апошняя перамога “Крэчата” яшчэ больш павялічыць цікавасць падлеткаў да клуба.
Ірына МІНЕЕВА,
г. Бяроза.

Члены клуба віртуальных лётчыкаў “Крэчат” з Бярозы – бронзавыя асы Міжнароднага турніру пілотаў
Оцените статью

Добавить комментарий

Авторизация
*
*
Генерация пароля