Февраль 2019 - Страница 61 из 186

Так адчувае сябе кожны, хто завітае ў разлікова-касавы цэнтр №3 ААТ “Белаграпрамбанк” у КамянцыУ гэтым банку кожнаму заўсёды рады і сустракаюць гасцей і партнёраў толькі з усмешкай. А ствараюць такую цёплую і сапраўды сямейную атмасферу 32 работнікі разлікова-касавага цэнтра на чале з яркай жанчынай-кіраўніком Надзеяй Нікіцінай.Надзея Паўлаўна ўзначальвае РКЦ “Белаграпрамбанка” (да рэарганізацыі ў Камянцы было аддзяленне) з 1997 года. Трапіла яна на банкаўскую службу яшчэ маладым спецыялістам пасля заканчэння сталічнай ВНУ. Сама родам з Піншчыны, але прызналася, што да маляўнічай і гасціннай Камянеччыны прыкіпела душой. Менавіта тут у неардынарнай асобы атрымліваецца рэалізаваць свае навыкі і ўменні, а таксама тыя веды і схільнасць да “лічбавай” навукі, якую перадаў бацька-матэматык. Любоў да вучобы і пастаяннай працы над сабой, удасканальвання сваіх ведаў яшчэ ў дзяцінстве выхавалі бацькі-педагогі.Надзея Нікіціна актыўна цікавіцца грамадскай дзейнасцю і неабыякава адносіцца да спраў дзяржаўных. Дарэчы, з 2004 па 2008 гады яна была членам Савета Рэспублікі. За гэты час паспела паспрабаваць свае сілы ў рабоце дзвюх камісій: першая –па эканамічным профілі, а другая – па дэмаграфічнай сітуацыі і сацыяльным развіцці. Надзея Паўлаўна пераканана, што гэты вопыт з’яўляецца бясцэнным і дапамагае не замыкацца толькі на асноўнай рабоце. У абаяльнага кіраўніка хапае часу на Беларускі саюз жанчын, раённую суполку якога яна ўзначальвае ўжо некалькі гадоў.– Жанчыне-кіраўніку заўсёды прыходзіцца нялёгка: і ў калектыве павінен быць парадак, і дома, – разважае Надзея Нікіціна. – Цяжка адначасова быць і строгай, і справядлівай, разважаць і прымаць рашэнні не як жанчына, а як кіраўнік. Нельга дазваляць, каб эмоцыі зашкальвалі…Пра свайго кіраўніка ў банку гавораць з вялікай павагай і адорваюць кампліментамі. І Надзея Паўлаўна кажа пра сваіх супрацоўнікаў толькі добрае, любячы паўтараць “мы”.Такі прыветлівы настрой і аўтарытэтны імідж высока цэняць кліенты. Сярод найбольш буйных – ААТ “Белавежскі”, Нацыянальны парк “Белавежская пушча”, сельскагаспадарчыя прадпрыемствы, ТАА “Аграпрадукт”, раённае спажывецкае таварыства і іншыя. Агульная колькасць кліентаў з ліку юрыдычных асоб і індывідуальных прадпрымальнікаў – каля 260.Асноўныя віды крэдытуемай у раёне дзейнасці – гэта сельскагаспадарчая вытворчасць, будаўніцтва, спажыўкааперацыя. Аказваецца крэдытная падтрымка і аграэкатурызму. Адносна малады від бізнесу стаў папулярным у рэгіёне і, здаецца, з’яўляецца вельмі перспектыўным.Усімі аддзеламі вядзецца актыўная папулярызацыя банкаўскіх прадуктаў і прыцягненне новых кліентаў, у тым ліку падрастаючага пакалення. Асабліва падабаюцца юным кліентам і іх бацькам рэкламныя дні імянінніка, шматлікія гульні ды акцыі. Магчыма, таму попытам карыстаюцца “дзіцячыя” ўклады.Пра сябе камянецкія банкіры гавораць вельмі сціпла, аднак заўжды падкрэсліваюць, што адносіны ў іх душэўныя, і называюць сябе сям’ёй.У цёплай атмасферы сяброўства і ўзаемадапамогі, нібы ў печы, “выспяваюць” і іншыя важныя для прафесіяналаў гэтай сферы якасці. Менавіта на пунктуальнасці і адказнасці, лічыць намеснік начальніка РКЦ Ірына Баневіч, павінны грунтавацца галоўныя прынцыпы банкіра. У банк жанчына прыйшла ў 1993-м, і, можа, каб не праграмаванне сябе на першае ды апошняе, не атрымалася б зрабіць тут нядрэнную кар’еру. У Беларускі дзяржаўны эканамічны ўніверсітэт жанчына паступіла таму, што там ужо атрымлівала адукацыю старэйшая сястра Галіна. Яна, дарэчы, зараз працуе ў філіяле “Бел-аграпрамбанка” ў Брэсце.Асвойваць практычны бок прафесіі Ірына Іванаўна адправілася ва ўлікова-аперацыйны аддзел, потым заняла пасаду галоўнага бухгалтара, а ў 2007-м “падрасла” да намесніка кіраўніка аддзялення.На пытанне пра прывілеі прафесіі лагодна ўсміхаюцца і супрацоўнікі шматлікага аддзела рознічных паслуг. Яго кіраўнік Алена Кузаўка за 30 гадоў працы ў “Белаграпрамбанку” зразумела адно: калі справа тычыцца фінансаў, заўжды варта быць у тонусе. І хоць пры такім рытме вольнага часу амаль не застаецца, жанчына ўмудраецца знаходзіць хвілінку на любімыя хобі – вырошчванне гладыёлусаў і асвойванне новых метадаў арганізацыі градак.Зрэшты, найлепшым захапленнем можа стаць і сама работа, варта толькі навучыцца правільна яе ўспрымаць. Так, загадчыца касы камянецкага РКЦ Вольга Макарэвіч імкнецца бачыць у сваёй дзейнасці толькі “плюсы” і не зважаць на непрыемныя дробязі. Тым больш, што першыя маюць значную перавагу над апошнімі.– Папярэдніцы расказвалі шмат кур’ёзных гісторый пра сваю работу, – дзеліцца ўражаннямі Вольга Сяргееўна. – Аднойчы занадта эмацыянальны кліент нават пагражаў касірам цацачным пісталетам. Сёння наведвальнікі так спецыфічна не жартуюць, бо ў маленькім гора-дзе яны не проста кліенты, а яшчэ суседзі і сябры. Таму менавіта зносіны з людзьмі ў рэйтынгу галоўных каштоўнасцей банкіра зоймуць першае месца, а ўжо потым – прэстыж прафесіі, годная зарплата і ўмовы працы.Згаджаецца са сваёй калегай і Людміла Валінская, старшы касір. Дарэчы, жанчын аб’ядноўвае не толькі сумесная работа і добрыя адносіны. Мама Людмілы Іванаўны таксама працавала ў гэтым аддзяленні “Белаграпрамбанка”, а Вольга Сяргееўна змяніла яе на паса-дзе.Яшчэ адзін прадстаўнік банкаўскай дынастыі Дзяніс Дашкевіч узначальвае аддзел разлікаў. Па іроніі лёсу ён пачаў працаваць у банку якраз у разгар мужчынскага свята – 23 лютага 2001 года. Падначалены яму аддзел займаецца абслугоўваннем рахункаў юрыдычных асоб.Але і ў будні, і ў святы камянецкія банкіры заўжды рады гасцям. Усё таму, мяркуе начальнік аддзела кліенцкага менеджменту Людміла Кушнер, што атмасфера ў калектыве літаральна насычана добразычлівасцю, а кліенты настрой адчуваюць. Аднак не толькі гэта падабаецца жанчыне ў абранай прафесіі. Сярод найцікавейшых яе аспектаў яна вылучае непрадказальнасць, бо шырокі спектр паслуг з кожным новым днём прадугледжвае нешта нязведанае і ўнікальнае. Акрамя сваіх асноўных абавязкаў – адкрыцця рахункаў юрыдычным асобам, прыцягнення дэпазітаў, выдачы і суправаджэння крэдытаў – аддзел актыўна ўдзельнічае ў шматлікіх мерапрыемствах “Бел-аграпрамбанка”, сярод якіх – разнастайныя спартакіяды і турзлёты.Удалы прыклад сумяшчэння несумяшчальнага можна знайсці і ў службе інфармацыйных тэхналогій. Акрамя камп’ютараў і сучасных ІТ, вядучы інжынер-праграміст Анжэліка Ярмаловіч цікавіцца ландшафтным дызайнам. На сваім падвор’і жанчына стварыла сапраўдную прыгажосць з альпійскімі горкамі і ўнікальнымі кветкавымі кампазіцыямі. Падвор’е Ярмаловічаў неяк нават выйграла гарадскі конкурс на лепшае афармленне ўчастка. Старанна і адказна ставіцца Анжэліка Георгіеўна і да сваёй прафесійнай дзейнасці, якая не абыходзіцца без падтрымкі суседа па кабінеце – галоўнага інжынера-праграміста Сяргея Лапшына. Менавіта на яго моцных мужчынскіх плячах ляжыць асноўная нагрузка службы.Калектыў РКЦ ААТ “Бел-аграпрамбанк” у Камянцы зарэкамендаваў сябе якнадзейны партнёр, з якім шматлікія кліенты адчуваюць сябе ў фінансавай бяспецы і сямейнай цеплыні прафесіяналаў высокага ўзроўню.Вольга СВІРЫДОВІЧ, “НТ”,Ніна ЛЕАНАВЕЦ, “НТ”,г. Камянец.Фота Вольгі СВІРЫДОВІЧ.

Беларусь

Мы в соц. сетях

Февраль 2019
Пн	Вт	Ср	Чт	Пт	Сб	Вс
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28